හොලිවුඩ් රූපවාහිනී කතා මාලා

මෙන්න මගෙන් තවත් එක බ්ලොග් පෝස්ට් එකක්. මම මේ ලිපියෙන් බලාපොරොත්තු වන්නේ නව යොවුන් පරපුර දැන් වැඩි වැඩියෙන් නැරඹීමට රුචියක් දක්වන හොලිවුඩ් රූපවාහිනී කතා මාලා පිලිබඳ කුඩා හැඳින්වීමක් කිරීමටයි. මේ වනවිට ඔබත් මෙම කතා නැරඹීමට රුචියක් දක්වනචා ඇති. එහෙත් මෙම කතා මාලා පිලිබඳ ඔබේ දැනුම තවත් පුලුල් කිරීමට මමද යමක් එකතු කිරීමට කැමතීයි. දැනට මා විසින් මෙවැනි හොලිවුඩ් රූපවාහිනී කතා මාලා කීපයක්ම නැරඹීමට ආරම්භ කර ඇත. ඒවා නම් ඩෙක්ස්ටර්, ස්මෝල්විල් , සුපර්නැචුරල්, හීරෝස්, කැලිෆොර්නිකේෂන්, ටර්මිනේටර්, කෲසෝ,සහ ප්‍රිසන් බ්‍රේක්.

ප්‍රථමයෙන් මා Dexterපිලිබඳ හැන්ඳින්වීමක් කරන්නම්..
ඩෙක්ස්ටර් යනු ලේ පිපාසයෙන් පෙලෙන නමුත් සමාජයේ සිල්වතෙකු ලෙස හැසිරෙන මිනිසෙකි. පොලිස් සේවා අධිකරන වෛද්‍ය අංශයේ සේවය කරන මොහු ඝාතනය කරන්නේ නීතියෙන් පැන යන, සමාජයට විසබීජයක් වූ මිනිසුන් පමනි. එයින් ඔහු ආශ්වාදයක් ලබයි.

Smallville----

ස්මෝල්විල් යනු පිටසක්වලින් පෘථිවියට පැමින සාමාන්‍ය ජීවිතයක් ගත කරන ක්ලාර්ක් නම් වූ තරුනයකු පිලිබඳ කතා මාලාවකි. ඔහුට විවිධ වූ බලයන් ඇති නිසා ඔහු එම බලයන් භාවිතා කර කරදරයට පත් වු මිනිසුන් බේරා ගන්නා අයුරු මෙම කතාවෙන් දැක්වේ. මෙම කතා මාලාච මාගේ ප්‍රියතම කතා මාලාවයි.



Supernatural-----

සුපර්නැචුරල් යනු අද්භූත බලයන් සහ භූතාත්ම වටා ගෙතුනු කතා මාලාවකි. එහි ප්‍රධාන චරිත දෙකක් වේ. සෑම් සහ ඩීන්, ඔවුන් දෙදෙනා සහෝදරයන් වේ. ඔවුන් සාමාන්‍ය ජනයාව පීඩනයට පත් කරන භූතාත්ම හඹා ගොස් එම අද්භුත සිදුවීම් වලක්චන අයුරු මෙම කතා මාලාවෙන් දැක්වේ.



Heroes-----

හීරෝස් කතා මාලාච විවිධ බලයන් ඇති මිනිසුන් කීප දෙනෙකු වටා ගෙතුනකි. එම බලයන් ඇති මිනිසුන් අතර හොඳ මිනිසුන් සහ නරක මිනිසුන් ඇත. එම නරක මිනිසුන්ගෙන් ලෝකය බේරා ගන්නා ආකාරය මෙම කතා මාලාවේ තේමාවයි.


Californication----

කැලිෆොර්නිකේෂන් කතා මාලාව ඉතා අගනා කතා මාලාවක් වුවත් එහි වැඩිහිටියන්ට පමනක් නැරඹිය යුතු දර්ශන අතුලත් වේ. එය ඉතාමත් හාස්‍යජනක කතා මාලාවකි. එහි ප්‍රධාන නලුචා වන (x files) එක්ස් ෆයිල්ස් හි මෝල්ඩර් මෙම කතාවාට නවතම පනක් දෙයි.. මෙම කතාවට අනුච ඔහු රචකයෙකි. ඔහුගේම ක්‍රියාකලාප නිසා ඔහු මුහුන දෙන අපහසුතා මැනවින් මෙම කතා මාලාවෙන් පැහැදිලි වේ. අතිශය හාස්‍යජනක කතා මාලාවක් වන මෙයත් මාගේ ප්‍රියතම කතා අතරට එක් වෙයි..


Terminator-----

ටර්මිනේටර් යනු, ටර්මිනේටර් චිත්‍රපටය පාදක කොට ගත්, එහි වන සිදුවීම් පෙල තවත් නරඹන්නාට කුතුහලය උපදවන ලෙස සකස් කල කතා මාලාවකි.


Cruesoe----

කෲසෝ යනු, පරන රොබින්සන් කෲසෝ කතා මාලාවෙන් ඔබ්බට ගිය කෲසෝගේ නව වීර වික්‍රමයන් සහිත නවතම ආරක රූපවාහිනී කතා මාලාවකි. ඔහු දූපතේ තනිවී ඔහු කරා එන අභියෝග වලට සාර්තකව මුහුන දෙන ආකාරය මෙම කතා මාලාවෙන් පැහැදිලි වේ.



Prison Break----

ප්‍රිසන් බ්‍රේක් කතා මාලාවේ තේමාව වන්නේ බන්ධනාගාරයක් තුල සිරගත කරන ලද සිරකරුවන් පිරිසක් එම බන්ධනාගාරයෙන් ඉවතට යාමට දරන උත්සාහයයි. මෙම කතා මාලාව ගෙතී ඇත්තේ එම සිරකරුවන් වටා වන අතර එක් එක් අවස්ථාවන් වලදී ඔවුනට මුහුන පෑමට සිදුවන අනපේක්ෂිත සිදුවීම් වලීන් මෙම කතා මාලාවේ ත්‍රාසය තව දුරටත් වර්ධනය වේ...